Contxu Uzkudun
eta bere alaba Anak, MINIMILek Pasaian duen tailerreko ateak ireki dizkigute. Beraien
lan egiteko era erakutsi eta azaldu digute, baita MINIMILen filosofia ere.
Beraiek kontrolatzen
dute prozesu guztia Pasaiako lantoki honetatik: diseinua, patronajea,
prototipoen eraikuntza, katalogoen diseinua, denden diseinua, grafismoa, erakuslehioak,... Jantzi bildumak
nola sortzen dituzten komentatu digute, koloreen aukeraketak, jantzien
bolumenak, eta beraientzat garrantzitsuena den fasea ere aipatu digute:
kolekzio bereko pieza desberdinen arteko konbinazioak zehaztea.
Patroiak egiteko
garaian kartoiak moztu eta marrazteko kodigo ezberdinak daudela ikusi ditugu. Contxuk,
maniki gainean diseinuaren lan prozesu baten adibide bat azaldu digu. Bolumen bereziko gona baten despiezea eta patroiak ere ikusi ditugu.
Oso gustura
sentitu gara zuekin. Modaz gain, arkitektura eta diseinuaren inguruan
zenbait hausnarketa egin ditugu ere. Balenciagaren
soinekoen eraikuntza ulertzeko lagungarri izango dugu bi egun hauetan ikasitakoa,
batez ere, praktika berezi hau garatzeko eduki beharreko jarreran!
Mila mila mila esker MINIMIL!!! Izugarri ondo tratatu gaituzue!!! Detaile ta guzti gainera...
No hay comentarios:
Publicar un comentario