Aurten ere Tytti Thusberg diseñatzaile finlandiarra gure artean izan dugu bere diseinu prozesuak kontatzen. Bere lanekin emozio inaukorrak bilatzea dituela helburu, bere proiektuei aurre egiteko erabiltzen duen filosofia erakutsi digu.
Ikusgarriak benetan material berrerabiliekin lortu dezakeen edertasuna!
Milesker Tytti!!
Kurtsoari dagokionez...
... hemendik aurrera esertokiaren materialaren bilaketan jardungo gara, beraz, gaurko klasean entzundako material berrerabilien inguruko hausnarketak lagungarriak izango ditugu hemendik aurrera... Gure bilaketan begiak ongi irekiko ditugu eta datorren asterako lan moduan ondokoa eskatzen da (martxoak 1-erako):
- Talde bakoitzak, bere esertokia diseinatzeko material egokiaren bilaketa izango du helburu. Horretarako, bere proiekturako interesgarriak iruditzen zaizkion materialak bilatu eta azaldu beharko ditu. A3 formatuko eskuz eginiko krokisak egingo dira datorren egunean tailerrean ikusi ahal izateko. Materialen azalpenak ulertzeko behar adina lamina egingo ditu talde bakoitzak. Azalpenetan, materiaralen autaketaren zergatia, abantailak, desabantailak, beste materialekin konparaketak, dimentsioak, neurri akotatuak, dentsitate eta pisua, prezioak, eskuragarritasuna, erreferentziak, adibide konstruktiboak, etabar azalduko dira. Ahal bada ere materialen muestra edo adibideak ekartzea komeni da.
No hay comentarios:
Publicar un comentario